Trajneri kosovar ka reaguar pas fitores së medaljes së artë nga 2 xhudistet kosovare, Fatjona Kasapi dhe Erza Muminoviqi, në Athinë të Greqisë, përcjell InLajmi.
Lidhur me suksesin e xhudistëve, Kuka tha se tani është bërë traditë që shtetet, të cilat nuk na njohin, shkojnë xhudistet tona dhe i njoftojnë me realitetin.
Fatjona fitoi medaljen e artë në kategorinë deri në 57 kilogramë, ndërsa Erza të bronztën në kategorinë deri në 52 kilogramë.
Postimi i plotë i tij:
Kupa Evropiane U21 Athinë Greqi!
Dy medalje për Kosoven 🇽🇰
Traditë është ba që shtetet që ende sna njohin,shkojnē xhudistat dhe i njoftojnë me realitetin.
Fatjona e artë sot ishte në krye të detyres në kategoinë 57 kg.
Mposhti me radhë garueset nga Izraeli,Polonia,Franca e në finale garuesen turke.
Qasja e saj serioze ka filluar të jap frytet dhe sukseset.
Erza sot fitoj medaljen e bronztë dhe performansa e saj nuk sihte ajo që realisht e ka dëshiruar marr parasysh që ishte favorit për medalje të artë.
Në Athinë përshtypje të mirë lan edhe Lorisi e Riosi që arritën të tregojnë që po vjen koha e tyre.
Arritën të shënojnë fitore dhe me pak më shumë taktikë do hynin në zonën e medaljeve.
Dardani fitoj dy luftëra dhe realisht kishte potencial për medalje por diçka me përqendrimin e tij gjatë luftës sishte si duhet.
Debora humbi dhe realisht ka potencial por shumë gjëra duhet ti përmirësoj,e poashtu të përkushohet seriozisht sepse ska kohë ma për qasje gjysmake. /InLajmi/
