I pari i Komunës së Prizrenit, Shaqir Totaj, ka quajtur Marsin si një nder muajt më të lavdishëm në historinë e Kosovës, përcjell InLajmi.
Sipas tij ky muaj na kthen prapa e na bënë të kujtojmë sakrificën, vështirësitë, dhimbjet që populli kosovar i ka përjetuar.
Tutje ai ka shtuar se gjithë ato maltretime kundrejtë civilëve kosovar në marsin e vitit 1999, do të mbetën përherë në kujtimet e gjithsecilit nga ne.
Totaj ka bërë të ditur se ka marrë pjesë në rrivarimin e 7 martirëve të Krushës së Vogël, ku ka qmuar lartë familjarët e secilit nga të rënët.
Postimi i plotë i tij:
Marsi do të mbetet në historinë e Kosovës e në kujtimet tona përherë, në këtë muaj ne kujtojmë sakrificat, vështirësitë, dhimbjet në të cilat ka kaluar populli ynë, po në të njejtën kohë ndjejmë krenari për rezistencën dhe luftën e pastër që është bërë për të mbrojtur vendin tonë e për ta fituar lirinë.
Vrasjet, masakrat, keqtrajtimet, dëbimet e granatimet që i janë bërë popullit civil të Kosovës në javën e fundit të Marsit në vitin 1999, do të mbeten pjesa më e dhimbshme dhe më e paharrueshme në kujtimet tona.
Shumë fshatra e qytete të Kosovës u mbuluan me gjakun e fëmijëve, grave, burrave e të moshuarve të pafajshëm e të paarmatosur, të cilët fajin e vetëm e kishin që rrinin në shtëpitë e tyre dhe ishin shqiptarë.
Sot ishim në Krushë të Vogël për të varrosur 7 martirët e vrarë gjatë vitit 1999, fshat i cili ka pësuar humbje të mëdha gjatë luftës.
Nënat, gratë e vajzat kanë humbur djemt, burrat e baballarët, por asnjëherë nuk u dorëzuan, pas lirisë u ringritën dhe bashkuan familjet e tyre e ndërtuan shtëpitë e fshatin.
Çdo ditë të jetës sonë, që jetojmë e frymojmë të lirë në Republikën e Kosovës, do të kujtojmë me krenari secilin që dha jetën për këtë liri – dëshmorët e UÇK-së dhe martirët e kësaj lirie.
Në kujtimet tona përjetësisht!
Lavdi /InLajmi/
