Kryeministri i Republikës së Kosovës, Albin Kurti, ka nderuar jetën dhe veprën e 241 viktimave të rënë nga forcat serbe në Krushën e Madhe, përcjell InLajmi.
Para pllakës më të gjithë emrat ë të rënëve thuhet të kenë vendosur lule të bardha për gjithsecilin, ndërsa po ashtu 7 trëndafila të bardhë për 7 burrat që u rivarrosën në këtë të shtunë.
Ndërsa tutje ai ka treguar se u vizitua familja e martirëve Berisha në Suharekë, në këtë familjen humbën jetën 50 anëtar prej tyre 11 fëmijë.
Kurti është shprehur se brenda një ditë u kujtuan qindra shqiptarë të gjithë të vrarë brenda një dite.
Postimi i plotë i tij:
Vendosëm lule të bardha, para pllakës së zezë me emrat e 241 viktimave të vrarë nga forcat serbe, në masakrën e Krushës së Madhe.
7 trëndafila të bardhë, në arkivolet me eshtrat e 7 burrave, të cilët 23 vite pas vrasjes e zhdukjes, iu kthyen Krushës së Vogël. 113 shqiptarë u vranë në këtë masakër.
Në vizitën te Muzeu i martirëve të familjes Berisha, na dhanë pak nga forca e tyre, të mbijetuarit e masakrës, që në një ditë iu vranë 50 anëtarë të familjes. 11 prej tyre fëmijë.
Data 26 mars 1999 dhe forcat serbe të regjimit gjenocidal të Beogradit janë emërues të përbashkët të këtyre krimeve.
Nderuam sot kujtimin e qindra shqiptarëve, të vrarë brenda një dite.
Kujtojmë çdo ditë, e nuk harrojmë asnjëherë. /InLajmi/
