Mijëra njerëz u larguan nga shtëpitë e tyre pranë një vullkani filipinas të shtunën pasi një shpërthim hedhi hi dhe avull qindra metra në qiell.
Vullkani Taal, i cili ndodhet në një liqen piktoresk në jug të Manilës, pati një shpërthim “të shkurtër” në orën 7:22 të mëngjesit, tha në një deklaratë Instituti Filipin i Vullkanologjisë dhe Sizmologjisë.
Ai paralajmëroi se shpërthime të mëtejshme ishin të mundshme, për të cilat tha se mund të shkaktonin rrjedha të rrezikshme vullkanike me lëvizje të shpejtë të gazit, hirit dhe mbeturinave, si dhe një cunami.
Banorët e 5 vendbanimeve përreth liqenit u urdhëruan të largoheshin nga shtëpitë e tyre, në evakuimin e tretë masiv në tre vitet e fundit rreth një prej vullkaneve më aktivë të vendit.
“Binte shi me baltë,”,tha Cornelia Pesigan, 25 vjeç, e cila kërkoi strehim në një shkollë jashtë “zonës së rrezikut” prej shtatë kilometrash.
“Vinte erë shumë e keqe dhe kisha vështirësi në frymëmarrje”, shtoi nëna e 2 fëmijëve.
Shefi i agjencisë sizmiologjike, Renato Solidum, tha se aktiviteti ishte më i dobët se në janar 2020, kur Taal hodhi hi në 15 kilometra lartësi dhe hodhi lavë të nxehtë, duke shkatërruar shumë shtëpi, duke vrarë bagëti dhe duke dërguar dhjetëra mijëra persona në strehimore.
“Nuk ka asnjë kërcënim përtej 5 fshatrave,”, tha Solidum.
Më shumë se 12.000 njerëz jetojnë në komunitetet më të cenueshme, sipas të dhënave më të fundit zyrtare në dispozicion, shkruan REL.
Filipinet goditen periodikisht nga shpërthime dhe tërmete për shkak të vendndodhjes së saj në “unazën e zjarrit” të Paqësorit – një zonë me aktivitet intensiv sizmik.
