Presidenti i Ukrainës, Volodymyr Zelensky në samitin e NATO-s ka bërë thirrje për më shumë ndihmë për sigurinë e Ukrainës, transmeton InLajmi.
Udhëheqësi ukrainas shtroi prapë kërkesën e tij për një zonë të ndalim-fluturimit dhe anëtarësim në NATO.
Adresa virtuale nga Zelensky nisi samitin, i cili po zhvillohet në mënyrë private. Presidenti i SHBA-së Joe Biden foli më pas, duke paraqitur qasjen e koordinuar perëndimore ndaj sanksioneve, duke përsëritur mbështetjen e fortë për Ukrainën dhe duke përforcuar angazhimin e SHBA ndaj NATO-s.
Biden “parashtroi një numër çështjesh me të cilat aleanca do të duhet të përballet” në muajt e ardhshëm përpara se aleanca e NATO-s të takohet përsëri në fund të qershorit në Spanjë, tha një zyrtar amerikan.
Kjo përfshin finalizimin e ndryshimeve të pozicionit të forcës në krahun lindor të NATO-s.
Tema të tjera që u ngritën përfshinin Kinën dhe një dëshirë kolektive për të shmangur mbështetjen e Pekinit për Rusinë në pushtimin e saj, shkruan CNN.
Dhe udhëheqësit diskutuan për rastet nëse Rusia përdor një armë kimike ose bërthamore në fushën e betejës në Ukrainë. /InLajmi/
