Ministri i Mbrojtjes, Armend Mehaj, tha se sot 23 vjet më parë filloi përballja historike mes humanes dhe barbarisë së regjimit shovinist serb, përcjell InLajmi.
Ndërkohë Mehaj tha se përjetë do të jemi mirënjohës për gjithë ata diplomatë e ushtarakë që kontribuuan në betejën tonë kritike.
Më tej, ata tha se emrat e shteteve dhe individëve që ndihmuan Kosovën janë të skalitur thellë në historinë tonë të lavdishme.
Postimi i plotë i tij:
Sot 23 vjet më parë filloi përballja historike mes humanes dhe barbarisë së regjimit shovinist serb.
23 vjet më parë, NATO filloi fushata e bombardimeve ajrore, respektivisht Operacioni Allied Force, kundër caqeve ushtarake të shtetit kriminal të Serbisë.
Përpjekjeve tona titanike shekullore për liri, me shumë sakrifica, iu bashkuan në kohën më kritike, kombet liridashëse në formacionin e përbashkët, Aleancën Mbrojtëse të vlerave të lirisë, paqes dhe demokracisë.
Mirënjohje e përjetshme për gjithë ata diplomatë e ushtarakë që kontribuan në betejën tonë kritike.
Emrat dhe vepra madhështore e Presidentit Clinton, Kryeministrit Blair, Sekretares Albright, Gjeneralit Clark, Sekretarit Solana, Ambasadorit Holbrooke, janë të skalitur thellë në historinë tonë të lavdishme, identitetin e Republikës sonë dhe qenien tonë shpirtërore./InLajmi/
