Këshilli Gjyqësor i Kosovës, gjatë ditës së mërkurë ka suspenduar kryetaren e Gjykatës Themelore në Mitrovicë, Liljana Stevanoviq, përcjell InLajmi.
Këtë vendim të KGJK-së e ka miratuar edhe ministrja e Drejtësisë, Albulena Haxhiu.
Por pas një jehonë të madhe rreth këtij suspendimi ka reaguar Haxhiu përmes një shënimi ku ka thënë se gjyqtarët e kanë për obligim të veprojnë vetëm në përputhje ne Kushtetutën e Republikës së Kosovës.
Sipas Haxhiut vendimi i marrë kundrejtë Stevanoviq është i drejtë dhe në përputhje me ligjin.
Haxhiu është shprehur se takimi i Stevanoviq me presidentin serb, Aleksander Vupçiq, cenon integritetin e sistemit gjyqësor.
Postimi i plotë i saj:
Kryetarja dhe gjyqtarët e Gjykatës Themelore në Mitrovicë e kanë për obligim të veprojnë vetëm në përputhje ne Kushtetutën e Republikës së Kosovës dhe legjislacionin në fuqi dhe jo të tallen me institucionet. Çfarëdo veprimi sikur ai në takim me Vuqiq është shkelje dhe cenon integritetin e sistemit gjyqësor.
Vendimi i Këshillit Gjyqësor të Kosovës për suspendimin e kryetares së Gjykatës Themelore në Mitrovicë është i drejtë dhe në përputhje me ligjin për përgjegjësitë disiplinore të gjyqtarëve dhe prokurorëve prandaj edhe si të tillë e ka mbështetjen tonë. /InLajmi/
