Presidenti ukrainas Volodymyr Zelensky, ka thënë se 100 mijë civilë kanë ngecur në qytetin ukrainas Mariupol, pa ushqim e ujë.
Në fjalimin e fundit , Zelensky theksoi se akoma po qëndrojnë të ngujuar 100 mijë njerëz në qytetin e bombarduar nga forcat ruse, duke bërë një jetë shumë të vështirë si rezultat i bllokadës totale.
“Nuk ka ushqim, ujë e barna. Janë nën bombardime të vazhdueshme”, tha Zelensky, transmeton Telegrafi
Gjatë të mërkurës, këshilli i këtij qyteti njoftoi se nga sulmet ajrore të forcave ruse, qyteti i rrethuar i Mariupolit është shndërruar në një vend të hirit dhe të vdekurve.