Kongresmeni amerikan Ritchie Torres teksa ka folur për letrën e dërguar vendeve të BE-së që ta njohin shtetësinë e Kosovës, ai ka theksuar se pavarësia e vendit është e panegociueshme.
“Shikoni, unë do t’ia lë Kosovës të përcaktohet se çfarë është në interesin e saj më të mirë, por për mua, njohja e plotë e Kosovës është e panegociueshme. Kjo është e rëndësishme për mua dhe gjithashtu e rëndësishme për votuesit që unë përfaqësoj në Bronx. Bronx është një nga diasporat më të mëdha shqiptare, shumë prej tyre janë nga Kosova”, tha ai.
Torres gjithashtu ka thënë se Kosova si shtet i pavarur dhe sovran meriton të njihet nga çdo shtet evropian, shkruan Kanal 10.
“Kosova është shtet i pavarur kombëtar. Është një shtet sovran. Si të gjitha shtetet kombëtare sovrane, ajo meriton njohjen nga komuniteti ndërkombëtar dhe meriton njohje nga çdo vend në Evropë”, tha Torres.