Zëdhënësi i Qeverisë, Përparim Kryeziu ka treguar arsyen pse deri tani nuk ka pasur takime mes kryeministrit të Kosovës Albin Kurtit dhe presidentit të Serbisë, Aleksandar Vuçiq.
Kryeziu ka thënë se SHBA-ja e ka konsideruar se njohja reciproke është qendër e një marrëveshje politike mes Kosovës dhe Serbisë.
“Ka pasur 2 takime të deritanishme gjatë verës së vitit të kaluar në mes Kurtit dhe Vuciqit që kanë qenë të nivelit më të lartë politik. Dhe temat që janë diskutuar propozimet që janë dhënë kanë pasur karakter politik. Ka qenë propozimi për nënshkrimin e një marrëveshje për mos sulmim mes njëra tjetrës, kjo marrëveshje ka karakter të qartë politik ndërkaq në të njëjtën kohë është thënë që Kosova është në linjë të plotë me SHBA-në sa i përket asaj se çka e konsideron që është bërthama e procesit e ai është qendra të cilën ne sikurse SHBA-ja e kanë konsideruar njohja reciproke si qendër e një marrëveshje politike mes Kosovës dhe Serbisë”, ka thënë ai.
Sipas tij, arsyeja pse nuk ka pasur takime mes Kurtit e Vuçiqit është se një gjë e tillë nuk është vlerësuar si e frytshme apo në përfitim të të gjitha palëve të përfshira.
“Arsyeja pse nuk ka pasur takime deri më tani është dhe për shkak së një gjë e tillë nuk është vlerësuar si e frytshme apo në përfitim të të gjitha palëve të përfshira nga ndërmjetësuesi edhe pse nuk ka pasur një dakodrim për atë se çfarë mund të flitet.
Ai thotë se ka një ndryshim në diskursin, sidomos të BE-së për atë se si ajo është duke e trajtuar Kosovën, shkruan Tëvë1.
“Ka një ndryshim në diskursin sidomos të BE-së për atë se si ajo është duke trajtuar Kosovën tani, nuk ka shumë gjatë prej deklaratës kur përfaqësuesi i BE-së për dialogun Kosovë-Serbi, Miroslav Lajçak thotë se kushtetuta duhet të ndryshohet për të akomoduar marrëveshje tek ajo që nuk duhet ti kërkojmë që të zbatojnë marrëveshje që janë të dëmshme për njëjtën palë e që është Kosova”, tha Kryeziu.
