Ministrja e Drejtësisë, Albulena Haxhiu, në një konferencë për media ka folur për sukseset e arritura përgjatë një viti qeverisje, raporton InLajmi.
Më tej, Haxhiu tha se puna e kësaj qeverisje për një vit pa asnjë skandal dëshmoi se mund të punohet edhe pa keqpërdorur taksat.
“Sot bëhet një vit prej kur kam pranuar detyrën si ministre e Drejtësisë dhe kemi dëshmuar se mund të këtë qeveri pa skandale dhe të pa korruptuar. Kemi dëshmuar se një qeveri në Kosovë mund të veproj dhe mund të punoj pa keqpërdorur buxhetin e shtetit dhe taksat e qytetarëve”, tha ajo.
Më tej Haxhiu tha se për një vit punë Ministria të cilën e drejton ajo ka finalizuar 37 dokumente, përfshirë edhe marrëveshje ndërkombëtare.
“Jemi në prag të përfundimit të punës për uljen e tarifave për përmbaruesit dhe po ashtu njësoj do të veprojmë edhe sa i përket tarifave të noterëve”, tha ajo.
Haxhiu, po ashtu foli edhe për sfidat që i kanë pasur në këtë ministri.
“Ka pasur sfida edhe për kundër faktit që kemi thirrur takime subjektet opozitare për njoftimin e tyre deri tani këto takime nuk kanë ndodhur për faktin se është e rëndësishme se për reformën në drejtësi pavarësisht dallimeve të subjekteve politike besoj që do të duhej të kishe konsensus politik”, tha Haxhiu./InLajmi/
