Kreu i grupit parlamentar të Partisë Socialiste, Taulant Balla, ka folur paraditen e së mërkurës para gazetarëve edhe për zgjedhjen e kreut të ri të shtetit.
Presidentit të Republikës Ilir Meta i përfundon mandati më 24 korrik, dhe Balla kujtoi se Kuvendi ka ende kohë në dispozicion.
Megjithatë ai tha se deri më 24 maj do të jetë gati emri i ri Presidentes apo Presidentit të ri të Republikës, shkruan ABC News.
“Neni 88 i kushtetutës ka përcaktuar kohën kur fillon procesi i përzgjedhjes së presidentit. Jo më vonë sesa 60 ditë nga data e përfundimit. Jo më vonë se 24 maji. Kemi ende kohë. Dhe ditë. Deri sa të fillojmë procedurën. Procedura merr 5 raunde votimi. Do kemi presidentin ose presidenten e re.”
