Kryetari i Prizrenit, Shaqir Totaj ka zhvilluar një takim me përfaqësuesit e DokuFest-it, Linda Llullallin, Alba Çakallin dhe Veton Nurkollarin, përcjell InLajmi.
Gjatë takimit u bisedua për projekte të ndryshme për fuqizimin, promovimin dhe zhvillimin e kulturës dhe artit e kinematografisë.
Totaj premtoi mbështetjen e plotë institucionale për të ndihmuar organizimin e edicionit të sivjetëm të DokuFestit.
Gjithashtu Totaj tha se Festivali Dokufest e ka promovuar qytetin e Prizrenit në të gjitha aspektet si në aspektin e kulturës, turizmit, duke sjellë shumë turistë, dashamirë të artit e artistë të njohur në Prizren.
Postimi i plotë i tij:
Sot pritëm në takim përfaqësuesit e DokuFest-it, Linda Llulla, Alba Çakalli dhe Veton Nurkollari. Bashkëbiseduam për projekte të ndryshme për fuqizimin, promovimin dhe zhvillimin e kulturës dhe artit, në veçanti kinematografinë.
Gjithashtu u dakorduam për të ofruar mbështetjen tonë institucionale, me të gjitha kapacitetet që posedojmë, për të ndihmuar organizimin e dinjitetshëm të edicionit të sivjetëm të DokuFestit.
Festivali Dokufest, qytetin tonë e ka promovuar në gjithë botën si në aspektet kulturore e artistike poashtu edhe në aspektin e turizmit, duke sjellur në Prizren shumë turist, dashamirë e adhurues të artit dhe emra eminent të kinematografisë evropiane dhe botërore. /InLajmi/
