Në Grabanicë të Klinës ka ndodhur mbrëmë një aksident, si pasojë e të cilit mbetën të lënduar 18 persona, përcjell InLajmi.
Policia e Kosovës ka treguar shkakun që çoi në aksidentin mes 4 veturave.
Policia njoftoi se aksidenti ka ndodhur për shkak të pakujdesisë së njërit prej të dyshuarve, ku ai goditi 3 vetura, të cilat po lëviznin në kahjen e kundërt.
Nga aksidenti janë lënduar 18 persona, në mesin e tyre edhe fëmijë të moshave të ndryshme.
7 prej të lënduarve janë ndaluar për tretman mjekësor ndërsa 11 të tjerët janë liruar.
Njoftimi i plotë i Policisë së Kosovës:
Fsh. Grabanicë, Klinë , 20.03.2022-19:00. Ka ndodhur një aksident trafiku në të cilin janë përfshirë katër (4) vetura. Deri te aksidenti ka ardhur kur i dyshuari mashkull kosovar derisa ishte duke drejtuar veturën, nga pakujdesia ka goditur tri vetura të cilat ishin duke lëvizur në kahjen e kundërt. Si pasojë e aksidentit, lëndime trupore kanë pësuar 18-persona (meshkuj dhe femra kosovarë), tre prej tyre fëmijë të moshave të ndryshme. Të lënduarve u është ofruar tretman mjekësor, ku shtatë prej tyre janë ndaluar për trajtim mjekësorë, ndërsa të lënduarit tjerë (11) pas tretmanit mjekësor janë liruar. Rasti është duke u hetuar. /InLajmi/
