Kryeministri i Kosovës, Albin Kurti, ka dhënë intervistë për BBC Radio, në kuadër të programit Newsday.
Ndër tjera, kryeministri Kurti ka folur edhe për situatën aktuale në Ukrainë, derisa ka përmendur edhe krahasimet me luftën në Kosovë.
Kurti tha se ekziston një militarizim i Serbisë, e cila nuk e njeh Kosovën dhe e cila përmes Republika Srpska në Bosnje dhe Hercegovinë po përpiqet ta bëjë atë vend jofunksional, ta kthejë atë në një shtet të dështuar dhe në fund ta marrë atë në kontrollin e saj, transmeton Reporteri.net.
Kurti po ashtu ka thënë se “Asnjë qytetar nga Kosova nuk ka shkuar për të luftuar në Ukrainë”. “Ata po thonë lloj-lloj dezinformatash dhe pretendimesh të rreme sepse kjo është pjesë e luftës së tyre hibride”.
