Gazetari Baton Haxhiu ka thënë se nëse në zgjedhjet e reja të brendshme në PD nuk duhet të kandidojë Sali Berisha.
Lulzim Basha dha dorëheqje sot nga posti i kryetarit të PD-së, duke hapur rrugën për zgjedhje të reja, ndërkohë që Sali Berisha ka krijuar grupin e tij brenda PD-së që një kohë të gjatë prej momentit kur u përjashtua nga partia nga Basha.
Ai ishte përjashtuar pas kërkesës së Ambasadës amerikane në Shqipëri dhe shpalljes non-grata nga Departamenti i Shtetit.
Haxhiu thotë se nëse Berisha kandidon për postin e kryetarit, atëherë ai do të kthente Bashën.
“Demokratët nuk e qajnë që ai është shpallur non-grata dhe mendoj se kjo është gabim. Në qoftë se kandidon zotëri Berisha, atëherë Basha kthehet dhe fiton”, thotë ai, përcjell Gazeta Express.
“Nëse demokratët e konsiderojnë se e ardhmja e tyre është Sali Berisha, është gabim i madh. Pasi kemi të bëjmë me një njeri që ka shumë mëkate rrugës. E di që njerëzit kanë emocion ndaj Berishës për shkak të kohës së gjatë të tij në politikë. Është kafshë politike. Jo vetëm në Shqipëri, por në Ballkan”, përfundoi ai.
