Deputeti i Lidhjes Demokratike të Kosovës Driton Selmanaj, ka thënë se facebooku i tij është bërë cak i sulmeve kibernetike, përcjell InLajmi.
Ai tregoi se që nga e hëna e kaluar i është pamundësuar qasja në adresën e tij zyrtare sepse persona të papërgjegjshëm kanë marrë kontrollin e facebookut të tij.
Deputeti thekosoi se përkundër përpjekjeve nuk ka arritur ta rikthejë kontrollin e plotë në adresën e tij zyrtare.
Gjithashtu Selmanaj paralajmëroi se për këtë akt do t’i nisë procedurat policore.
Në fund deputeti kërkoi falje nga miqtë dhe ndjekësit e tij, nëse kanë hasur në ndonjë shqetësim ose diçka që mund të jetë postuar ose u është thënë nga adresa e tij.
Postimi i plotë i tij:
Miq të dashur,
Ju njoftoj që ka disa ditë që adresa ime zyrtare në facebook është cak i sulmeve kibernetike nga persona të papërgjegjshëm. Si rezultat i kësaj nga e hëna e kaluar mua më është pamundësuar qasja në adresen time zyrtare, dhe me shumë gjasë kontrollin e kësaj faqe tashmë e ka dikush tjetër. Përkundër përpjekjeve të mia ende nuk kam arrit ta rikthej nën kontrollin tim. Sot do i nisi procedurat policore.
Prandaj të dashur miq dhe ndjekës në facebook, që nga e hëna e kaluar gjithqka që është postuar në faqen time nuk është e postuar nga unë. Ju kërkoj ndjesë nëse ju kanë shqetësuar.
Shpresoj ta rikthej së shpejti. /InLajmi/
