Zëvendëskryeministrja e Ukrainës e ka akuzuar Rusinë për kryerjen e akteve të “gjenocidit” gjatë pushtimit të shtetit të saj.
Olha Stefanishyna, tha se ajo “absolutisht besoj” se aktet e gjenocidit janë kryer nga regjimi rus, dhe tha se presidenti, Vladimir Putin dhe liderët në Kremlin “janë kriminelë lufte”.
Stefanishyna tha se numri i “viktimave civile” që janë vrarë dhe plagosur gjatë pushtimit rus “ka qenë më i madh se i Forcave të Armatosura të Ukrainës” dhe pretendoi se “gratë janë dhunuar për orë të tëra dhe më pas janë vrarë” nga ushtarët rusë.
Zëvendëskryeministrja ukrainase, Olha Stefanishyna.
Por, ajo u zotua se “Ukraina do të rezistojë për aq kohë sa të jetë e nevojshme” dhe se Prokurori Publik në Ukrainë do të kërkojë që të ngrehë padi ndaj trupave ruse që dyshohen për krime lufte, duke theksuar deri më tani janë hapur 2.000 raste, tha ajo për Sky.
Ajo po ashtu lavdëroi liderët turk dhe izraelitë për përpjekjet e tyre për të ndërmjetësuar një marrëveshje të paqes, por paralajmëroi se Ukraina nuk do të pranojë asnjë marrëveshje e cila do t’i kepte territor Rusisë, që sipas saj është “vijë e kuqe” në negociata, transmeton Reporteri.
Megjithatë, ajo shtoi se mund të ketë hapësirë për diskutime për “riintegrimin” e rajoneve lindore separatiste që janë “okupuar” në tetë vjetët e fundit.
