Pavarësisht Covid-it, ne kurrë nuk kemi reshtur së hedhuri parfum. Kshtu thuhet në reklamën e L’oreal, pasi studimet treguan se mbi 70 për qind e njerëzve në botën perëndimore blenë të paktën një parfum gjatë pandemisë.
Pjesa më e madhe e grave zgjedhin tani një parfum të lehtë, në mënyrë që të mos gabojnë. Parfumi na ka ndihmuar disi për të jetuar dhe për t’u ndier më mirë me gjithë kufizimet që na kanë vënë gjatë kësaj periudhe.
Pse parfumet i rezistojnë edhe periudhave si Covid?
Aromat e të gjitha llojeve kanë padiskutim një aftësi për të hyrë edhe në ndjesitë tona më të thella, duke stimuluar trurin tonë por edhe emocionet që kemi.
Tendencat e fundit
Sipas kompanive që prodhojnë parfume, tregu po kërkon tendenca gjithnjë e më shumë pa gjini. Pra që aromat të mos na e japin dallimin se janë thjesht për femra apo për meshkuj. Nëse i referohemi një parfum që është për femra, gjithmonë ajo që na vjen në mendje ose na kujtohet janë disa aroma të buqetave me lule. Parfume këto që të japin ndjesinë e ngrohtësisë edhe në ditët e ftohta të dimrit. Ka një rikthim të parfumeve që janë gjithnjë më të qarta, më të pastra dhe jo shumë komplekse për t’u perceptuar dhe kuptuar, Living Shqip.
Parfumet dhe Covidi: hapësirë për aroma nuhatëse ekologjike, të freskëta dhe të lehta
Vitet e fundit ka një fokusim tek natyra dhe aromat e përdorura psh edhe për pastrimin e shtëpive, u bënë nga mbeturinat e frutave, në mënyrë që këto të mos hidheshin tutje. Këto produkte që mund të shërbejnë për përgatitjen e parfumeve po bëhen gjithnjë e më të dobishme dhe nuk po injorohen si më parë. Ka shumë marka që së fundmi po krenohen për formulat e tyre vegane me ekstrakte bimore dhe Covid me sa duket e ka përforcuar këtë tendencë.
