Rritja e sasisë së acidit folik në dietën tonë mund të zvogëlojë rrezikun e demencës tek moshat e vjetra, thekson një studim i fundit.
Acidi folik, i njohur gjithashtu si vitamina B9, folati dhe folacina, është një nga vitaminat B që ndihmon në krijimin e qelizave të kuqe të gjakut të shëndetshme.
Studiuesit nga SHBA dhe Izraeli kanë zbuluar se nivelet e ulëta të vitaminës B9 tek njerëzit e moshuar shfaqin rrezik më të lartë të zhvillimit të demencës.
Akademikët në Shkollën e Mjekësisë Icahn në Malin Sinai, Nju Jork dhe Universitetin e Haifës në Izrael, kanë kërkuar që nivelet e folatit në brezat e vjetër të kontrollohen në mënyrë rutinore për mangësi.
Studimi i botuar Evidence Based Mental Health, mlodhi të dhëna nga 27 mijë njerëz izraelitë të moshës 60 deri në 75 vjeç, të cilët nuk kishin diagnozë të demencës.
Studimi ndoqi pjesëmarrësit nga janari 2013 deri në tetor 2017 dhe gjurmoi ndryshimet midis njerëzve të shëndetshëm dhe atyre që morën një diagnozë të demencës ose vdiqën.
Gjatë projektit, 3.418 pjesëmarrës u konfirmuan se kishin mungesë të folatit, ndërsa studiuesit përcaktuan se ekzistonte një rrezik 1.68-fish i rritur i demencës për ata me mungesë.
Sipas studimit, ata me një mangësi kishin gjithashtu një rrezik 2.98 herë më të lartë të vdekjes gjatë periudhës së studimit, transmeton arbresh.info
Acidin folik mund ta shtoni në dietën e përditshme duke konsumuar këto ushqime si spinaq, lakra jeshile, brokoli, fasule, bishtanjore, fasule e zezë, drithëra, lëng portokalli dhe mish viçi.
