Ministrja e Industrisë, Ndërmarrësisë dhe Tregtisë, Rozeta Hajdari do të jetë subjekt i hetimit nga Prokuroria e Shtetit për veprën penale të mosraportimit apo raportimit të rrejshëm të pasurisë. Kjo pasi që para disa ditësh Agjencia Kundër Korrupsion ka dorëzuar kallëzim penal ndaj ministres Hajdari.
Agjencia Kundër Korrupsion e Kosovës ka konfirmuar para pak ditësh se ka dorëzuar kallëzim penal ndaj ministres së Qeverisë Kurti, Rozeta Hajdari.
AKK ka sqaruar se rasti i ministres Hajdari lidhet me vitin 2020, kur ajo nuk e kishte deklaruar me kohë pasurinë e saj pasi që kishte marrë pozitën.
“Rasti i ministres Hajdari ndërlidhet me vitin 2020, me mosdeklarim të pasurisë me kohë, në kohën kur e ka marrë detyrën si ministre. Do të thotë është një rast i vjetër, por që, për shkak të dështimit të dërgimit të formularit me kohë, ashtu siç e parasheh ligji, Agjencia e ka dërguar rastin e saj në prokurori”aGJEN, kanë bërë të ditur dje nga Kundër Korrupsioni.
Por ky nuk është rasti i vetëm për të cilin po hetohet ministrja e Kurtit. Në media gjatë javës ka pasur raportime të cilat nxjerrin zbuluar një biznes që ministrja Hajdari e ka mbajtur fshehur nga shteti.
Sipas këtyre raportimeve, Hajdari në formularin e publikimit së pasurisë, nuk ka treguar se është pronare e “R&V Consulting”, biznes ky që është aktiv në Agjencinë e Regjistrimit të Bizneseve, shkruan Lajmi.net.
Ministrja këtë biznes e ka hapur qysh në dhjetor të vitit 2008, i cili për aktivitet primar e ka këshillimin e bizneseve për menaxhim.
