Ministri i Shëndetësisë i Republikës së Kosovës, Rifat Latifi, mori pjesë sot në seminarin e organizuar nga Shoqata e Ortopedëve të Kosovës, ku temë diskutimi ishte “Evaluimi dhe studimi i rasteve të rralla në Ortopedi”, përcjell InLajmi.
Në fjalimin e tij para të pranishmëve në këtë seminar, Latifi, theks të veçantë i dha 7-të shtyllave që kanë të bëjnë me transforminin e sistemit shëndetësor në Republikën e Kosovës.
Po ashtu, Latifi, vëmendje të posaçme i dha edhe funsionalizimit sa më të shpejtë të Qendrës së Traumës, njëherësh zhvillimit të sistemit të traumës dhe emergjencës.
Një çështje e rëndësishme, për të cilën Latifi diskutoj me të pranishmit në këtë seminar, ishte edhe lista e pritjeve të pacientëve jo vetëm në Klinikën e Ortopedisë, por edhe për listën e pritjeve edhe në spitalet rajonale të Kosovës.
Për këtë çështje, Latifi tha se ka kërkuar që lista e pritjes të zvoglohet sa më shpejtë.
Ai tha se është shumë i interesuar dhe është duke punuar fort, që kjo listë e pritjes të zvogëlohet në këtë klinikë dhe në spitalet rajonale dhe pacinetët të marrin shërbimin e duhur, pa pritje.
Në këtë seminar kanë marrë pjesë shumë profesionistë shëndetësor të fushës së ortopedisë, ku u diskutua edhe për problematika të tjera profesionale të fushës së ortopedisë. /InLajmi/
