I burgosuri politik Riza Xhakli, që ka vuajtur dënimin prej 14 vitesh (1987-2001) në burgjet e Serbisë, ka rrëfyer për vuajtjet e tij dhe qëndrimin në një burg me Albin Kurtin.
Ai ka rrëfyer gjithë tmerrin që përjetoi në burg, duke përmendur edhe emrat e tjerë të burgosurve që kishin qëndruar bashkë.
Ka folur edhe për qëndrimin në të njëjtin burg me Albin Kurtin,
“Ia mora pantallonat e përdorur, desha t’i ruaj si kujtim”, tha Xhakli.
Thotë se nuk e mendoi që Kurti do të dilte i gjallë nga burgu, për këtë arsye kishte ruajtur pantallonat e tij. Megjithatë u shpreh se ishte ndie i lumtur shumë për lirimin e tij.
Ata kishin lexuar shumë libra bashkë dhe i kishin shkëmbyer ato me njëri-tjetrin, edhe pse nuk ishin në të njëjtën qeli. Ai ka përmendur gëzimin e Kurtit kur ia dërgoi librat që ai nuk i kishte parë me sy qe 2 vite.
Ai ka rrëfyer për vitet e vetmisë.
Xhakli thotë se 3 vite në burg i kaloi në vetmi, pa u shoqëruar nga askush.
“Kisha dhimbje koke”, tregon ai.
Për shkak të qëndrimit të gjatë i mbyllur në qeli dhe për shkak të minutave të paktë që i kalonte në ajër të pastër kishte kokëdhembje, por që për fat të mirë nuk ishte sëmurë asnjëherë.
3 muajt e parë nuk ishte lejuar ta takonte askënd, kurse pas 3 muajsh për herë të parë takoi nënën, por prapa grilave.
Xhakli ka përmendur edhe momentin e tij më të lumtur gjatë kohës së burgut, duke thënë se ishte moment kur ai u shpall me 14 vite burgim,
“Prisja të pushkatohesha, u gëzova kur mora lajmin se po dënohem me 14 vite burgim.”
Xhakli ndër të tjerash ka folur edhe për pritjen që iu bë kur doli jashtë, mirëpritjen e mirë që ia bënë bashkëvendësit.
“Nuk kishte lumturi më të madhe se gjithë ajo pritje që mu bë”, tha ai në Kanal 10.
Xhakli sot ka një jetë të lumtur me bashkëshorten, të cilën e njoftoi pas daljes nga burgu dhe për rastësi qëlloi motra e Aziz Kelmendit.
