Që kur Rusia pushtoi Ukrainën, bota është përballur me rritje të çmimeve të ushqimit dhe energjisë
Një institut amerikan, Qendra për Zhvillimin Global ka paralajmëruar se 40 milionë njerëz mund të vuajnë nga uria.
Instituti nxjerr në pah se sa i rëndësishëm është rajoni ish-sovjetik për tregtinë bujqësore. Rusia dhe Ukraina përbëjnë 29% të grurit në botë. Rusia dhe Bjellorusia përbëjnë 1/6 e plehrave në botë, shkruan BBC
Ndikimi do të ndihet gjerësisht, sipas ekspertëve, por do të godasë vendet më të varfra, transmeton abcnews.al
Ekspertët e CGD rekomandojnë që prodhuesit e grurit – përfshirë G20 duhet t’i mbajnë tregjet e tyre të hapura ndërsa qeveritë dhe agjencitë ndërkombëtare duhet të veprojnë shpejt dhe bujarisht për të mbështetur nevojat humanitare.
