Koloneli rus, Sergei Suchariev, i cili kishte rrethuar dhe bombarduar për ditë të tëra kryeqytetin ukrainas, Kiev, ka mbetur i vrarë gjatë luftimeve me forcat e ushtrisë ukrainase.
Ai i përkiste divizionit 98 i forcave ajrore ruse dhe ishte pjesë e e gardës ruse elitare, Ivanovo.
Kjo njëherit përbën një humbje të madhe për forcat ruse, pasi që Suchariev ishte një ekspert i luftimeve ajrore, dhe se të tillë në luftime janë njerëzit vendimtarë, pasi që eksperienca e tyre mund të ndryshojë rrjedhën e luftimeve në çdo çast.
Ky njëherit është ushtaraku i 5-të i lartë i vrarë nga luftimet në teren, dhe njëherit i 12-ti i personelit drejtues rus, të cilët kanë ndërmarrë mbi super agresionin mbi Ukrainën.
Raportohet se deri më tani mbi 14 mijë ushtarë rusë janë vrarë në këto luftime, ndërsa pajisje, artileri dhe mekanizma të tjera, janë evidentuar me mijëra të tilla në të gjitha frontet e luftës, transmeton Gazeta Metro.
Deri më tani luftime janë zhvilluar në 3 fronte kryesore, në lindje forcat ruse i kanë mësyer qytetit të 2-të më të madh, Kharkivit, ndërsa në jug luftime të ashpëra po zhvillohen në qytetin-port Marioupol, por synim mbetët edhe qyteti tjetër Odesa, kurse në veri forcat ruse nga ana e Bjellorusisë e mbajnë nën kërcënim permanent kryeqytetin Kiev.
