Thomas Tuchel ka hedhur poshtë zërat se ai mund të bëhet trajner i Manchester United, duke pretenduar se ai ka “shumë arsye për të qëndruar” në Chelsea pavarësisht problemeve të klubit jashtë fushës.
E ardhmja e trajnerit gjerman në Stamford Bridge është vënë në pikëpyetje javët e fundit pas sanksioneve të vendosura ndaj pronarit rus Roman Abramovich, me ekspertin e Sky Sports, Jamie Carragher, duke udhëhequr thirrjet që United të bëjë një lëvizje për Tuchel.
Por shefi i Bluve ka përsëritur dëshirën e tij për të qëndruar në klub, gjë që ai pretendon se i jep “gjithçka që i nevojitet për të më bërë të lumtur”.
“Në të vërtetë asnjë reagim për thashethemet”, tha Tuchel në një konferencë shtypi përpara çerekfinales së FA Cup të Chelseat në Middlesbrough.
“A më ndjeni më pak të përkushtuar ndaj klubit apo më pak të përfshirë në klub? Absolutisht jo.”
“Kam thënë shumë herë që më pëlqen të jem këtu dhe ky klub ka gjithçka që duhet për të më bërë të lumtur. Nuk ka nevojë. Kemi shumë arsye për të qëndruar për momentin”, tha gjermani, shkruan Gazeta Metro.
Thomas Tuchel arriti te Chelsea në fillim të vitit 2021, ku menjëherë më pas fitoi tiullin e Champions League në finalen ndaj Manchester City.
