Dogana e Kosovës ka njoftuar se me të pranuar njoftimin për arrestimin e zyrtarit doganor në rastin “Brezovica”, ka suspenduar menjëherë nga puna zyrtarin e arrestuar, përcjell InLajmi.
Më tej nga Dogana e Kosovës janë deklaruar se e përkrahin dhe i mirëpresin veprimet ligjore që ndihmojnë në luftimin e korrupsionit dhe siguron publikun se nuk do të tolerojë veprime jo etike dhe jo ligjore në rangjet e veta.
Ndryshe Prokuroria Themelore e Ferizajt, ka njoftuar dje se në aksionin “Brezovica” janë arrestuar 2 persona, njëri nga ta doganier.
Sipas prokurorisë, ata dyshohen për veprën penale “Marrja e ryshfetit” nga neni 421 të Kodit Penal të Republikës së Kosovës (KPRK)-së./InLajmi/
