Presidenti amerikan, Joe Biden, për herë të parë i ka dhënë epitetin e kriminelit të luftës presidentit rus, Vladimir Putin, për shkak të luftës në Ukrainë.
“Ai është një kriminel lufte”, u tha Biden gazetarëve pas një ngjarjeje në Shtëpinë e Bardhë, ndërsa situata në Ukrainë vazhdon të përkeqësohet.
Sekretarja e shtypit e Shtëpisë së Bardhë, Jen Psaki, deklaron se presidenti Biden ka folur nga zemra, përcjell KlanKosova.
“Unë mendoj se Presidenti ishte – vërejtjet e Presidentit flasin vetë. Ai fliste nga zemra dhe fliste nga ajo që ka parë në televizion, që janë veprime barbare nga një diktator brutal, nëpërmjet pushtimit të tij në një vend të huaj”, tha Psaki.
