Ambasada e Kosovës në Zvicër, ka dal me një njoftim me rëndësi për qytetarët, pasi që ishte raportuar që ata nuk po mund të merrnin shërbime, si pasojë e disa ngecjeve me sistemin, përcjell InLajmi.
Sipas tyre problemi ka qenë konkretisht në sistemin e shërbimit konsullor, por që tashmë ky sistem është rregulluar dhe qytetarët kanë mundësi të kryejnë shërbime.
“Ambasada e Republikës së Kosovës ju njofton se problemi në sistemin e shërbimit konsullor me aplikimin për pasaporta dhe letërnjoftime tani më është rregulluar dhe çdo gjë është duke funksionuar normalisht në shërbimin konsullor në Bernë, Gjenevë dhe Cyrih. Ju faleminderit për mirëkuptimin tuaj”, thuhet në njoftim. /InLajmi/
