Lionel Messi dëshiron të qëndrojë në Paris Saint-Germain edhe në edicionin e ardhshëm.
Kështu raporton gazetari francez, Loic Tanzi së fundmi.
34-vjeçari, erdhi në Paris sepse ishte i bindur se kanë atë çfarë u duhet për ta fituar Ligën e Kampionëve.
PSG u eliminua nga Liga e Kampionëve nga Real Madridi javën e kaluar, duke dështuar kështu ta fitojnë garën më prestigjioze evropiane me yjet si Messi, Mbappe e Neymar.
Në ndeshjen pasuese në Ligue 1 të dielën ndaj Bordeaux, Messi u fërshëllye vazhdimisht nga tifozët parisienë, transmeton Gazeta Express.
Messi ka kontratë me Paris Saint-Germain deri në verën e vitit të ardhshëm.
