Ministri i Mbrojtjes në Kosovë, Armend Mehaj, se fundmi ka reaguar pasi sipas tij po tentohet të pengohet Fondi i Sigurise, përcjell InLajmi.
Sipash tij është më se e kuptueshme që ky projekt i nisur që sa kohe do të ketë tendecë të pengohet, e që pikërisht për këtë arsyje ka marrë për vendim që të jetë sa më korrekt ne këtë drejtim.
Mehaj ka rikujtuar se si shkon e gjithë prcedura e e dërgimeve të donacioneve në këtët fond, ndërsa tutje ai është shprehur mirënjohes gjithë atyre që u shorehen të gatshem të kontribuojnë.
Postimi i plotë i tij:
Qytetarë të dashur,
Bashkëkombës nga mërgata kudo që jeni,
Miq ndërkombëtarë të Republikës së Kosovës,
Në emër të Ministrisë së Mbrojtjes dhe gjithë ushtarakëve të FSK-së, ju shpreh mirënjohjen më të lartë për përgjigjen e jashtëzakonshme e të pritur, e cila po vazhdon pandëprerë, me donacionet tuaja për Fondin e Sigurisë.
Jemi të vetëdijshëm se ky projekt i yni i përbashkët me ju, ka tendenca të pengohet për çka jemi të detyruar të ju rikujtojmë:
- Paratë tuaja deponohen përmes llogarisë zyrtare të Fondit të Sigurisë, në Bankën Qendrore të Kosovës;
- Ky proces është nën mbikëqyrjen e Qeverisë përmes Ministrisë së Financave, respektivisht Thesarit të Shtetit;
- Donacionet dhe shuma e mjeteve janë plotësisht mbi bazën e vullnetit tuaj të lirë;
- Paratë depononi personalisht direkt në Fondin e Sigurisë;
- Asnjë individ, grup, shoqatë apo iniciativë nuk është e autorizuar të mbledhë para në emër të Fondit të Sigurisë.
Ju e dëshmuat dhe po e dëshmoni si gjithmonë se jeni mbështetja kryesore e jona.
Ju ishit gjithmonë dhe jeni edhe tani logjistika kryesore jo vetëm e Ushtrisë, por edhe e sigurisë, mbrojtjes, zhvillimit dhe forcimit të shtetit tonë.
Prandaj, ju ftoj që të vazhdojmë së bashku me kontributet tona në Fondin e Sigurisë, për Ushtrinë tonë dhe të gjitha institucionet tona të sigurisë së vendit.
Donacionet tuaj janë motivi dhe forca jonë e përbashkët.
Ju faleminderit! /InLajmi/
