Profesori Blerim Latifi ka kritikuar qasjen e Kosovës në diplomaci. Thotë se është menduar se të bërit diplomaci nënkupton veç vizitat në vende të ndryshme të botës.
“Ne për disa vjet rresht e kemi pasur një koncept pothuajse turistik për diplomacinë e jashtme. Është menduar se në diplomaci të jashtme veç duhet me shku jashtë”, thotë Latifi.
“Nuk është ideja që Ministri i Punëve të Jashtme me nejt në bisht të aeroplanit edhe me shku prej atjehit atje. Një vizitë, një takim në shtetet normale, në shtetet që përnime janë shtete dhe që e konsiderojnë vetën shtet bëhet për me arrit një rezultat e jo veç me shku hand-shake me bo një fotografi, me i kallzu popullit se e takova Filan Fistekun edhe ditën e mirë. Edhe me marrë meditjen në fund”, tha Latifi në Pressign në T7.
“Ky koncept turistik në diplomaci duhet me u heq. Kjo nuk do të thotë se s’duhet me pasë agjendë takimesh, por kur ndodh një takim, kur zhvillohet një takim, në mes të homologëve duhet me prodhuar diçka”, shtoi ai.
