Një zyrtar policor ka vdekur këtë të mërkure. Policia ka informacione se i njëjti ka qenë në poligonin e qitjes me armë.
Lajmin për vdekjen e tij e ka konfirmuar kryeprokurori i Prokurorisë Themelore të Mitrovicës, Ismet Ujkani.
Sipas tij prokurori kujdestar ka dalë në vendin e ngjarjes.
“Policia nuk ka informacione tjera përpos që ka qenë në poligon të gjuajtjes. Prokurori ka dal në vendin e ngjarjes. Informacionet janë se viktima është polic”, tha Ujkani për Express.
Aktualisht nuk dihen rrethanat e vdekjes. Policia nuk është deklaruar akoma për rastin.
