Ministri i Jashtëm i Mbretërisë së Bashkuar, James Cleverly, është shprehur se plani i sulmit të Rusisë nuk po funksionon.
“Ishte parashikuar të ishte shumë e lehtë, të ishte një lloj lufte rrufe ku trupat ruse pushtojnë Ukrainën”, tha ai.
Ai shtoi se ndryshe nga sa ishte parashikuar, ajo që po shohim është një mbrojtje e egër nga ukrainasit, e cila është tepër fustruese për Vladimir Putin, shkruan BBC.
“Si një nënprodukt i zemërimit dhe zhgënjimit të Putinit për sulmin joefektiv, ne po shohim një përshkallëzim në shënjestrimin e civilëve dhe infrastrukturës civile”,tha ministri, transmeton Top Chanel.
I pyetur nëse lufta mund të përfundojë deri në maj, siç parashikojnë disa zyrtarë ukrainas, Cleverly thotë se është “tepër e vështirë” të bëhen parashikime të tilla, por Britania duhet të sigurohet që Putini të dështojë në Ukrainë.
