Zëvendëskryeministri Besnik Bislimi, në seancën e jashtëzakonshme të Kuvendit të Kosovës, tha se në rritjen e çmimeve në vendin tone kanë ndikuar 3 zhvillime, raporton InLajmi.
“Rritja e çmimeve vjen si pasojë e 3 zhvillimeve të njëhershme që ndërlidhen me ndryshimin në kërkesën dhe ofertën në berzën ndërkombëtare, invazionin e Rusisë në Ukrainë si dhe aktivitetet spekulative të tregtarëve të papërgjegjshëm”, tha Bislimi.
Sipas Bislimit 2 zhvillimet e para janë “jashtë kontrollit” të Qeverisë.
“Kjo e përcakton paketën e mekanizmave, përmes së cilës qeveria mund ta japë kontributin e saj në zbutjen e impaktit në ekonomi dhe në jetën e qytetarëve. Kjo paletë përfshin përkujdesjen që hapësirat eventuale për veprim të tregtarëve spekulantë dhe profiterëve të krizave të ngushtohen në maksimum, Këtë jemi duke e bërë, qoftë me ndryshime në legjislacion që përcvaktojnë marzha specifike për dallim mes çmimeve me shumicë dhe atyre me pakicë, por edhe kemi filluar me naftën dhe derivatet e saj, dhe do të vazhdojmë edhe me produktet e tjera të konsumit bazik”, tha ai./InLajmi/
