Dhjetëra banorë të lagjes “Kalabria” të Prishtinës këtë të martë kanë protestuar para Ministrisë së Mjedisit, Planifikimit Hapësinor dhe Infrastrukturës (MMPHI) për të kundërshtuar planin zhvillimor komunal, raporton InLajmi.
Përfaqësuesi I tyre, Basri Krasniqi tha se janë të pakënaqur me shfuqizimin e planit rregullativ për lagjen e tyre dhe se janë duke pritur që një kohë që lagjja të zhvillohet.
“Kryetari i komunës po donë me shfuqizu planin që e ka miratuar qeverisja e kaluar e Shpend Ahmetit. 2.4 e kem koeficientin është në pyetje kolektori që duhet me u mbulu për shkak se s jetohet aty. Ndriçim nuk kem në lagje edhe kryetari i komunës po dëshiron me shfuqizu. Nëse ai i ka rregullu krejt punët e Prishtinës le ta shfuqizon edhe planin tonë”, tha ai.
Tutje ai ka thënë se kanë mbetur të bllokuar që 15 vite e që përmes kësaj proteste bëjnë thirrje që MMPHI të mendojnë për familjet e tyre dhe fëmijët.
Gani Kqiku banor i lagjes Kalabria tha se kërkesa e tyre është 7 vjet e vjetër.
“Pse nuk kanë mundur të merren vesh. Ky kryetari nëse mendon që nëse këta deputetë (asamblistë) janë të poshtër janë të korruptuar le të ju banë padi”, tha ai./InLajmi/
