Profesori universitar, Dritëro Arifi ka treguar tri elementet që duhet të ndryshohen në Bashkimin Evropian.
Arifi tha se tani është momenti që BE-ja të tregojë vetën në Ballkanin Perëndimor dhe të mos përsëris gabimin e njëjtë që ka ndodhur në Ukrainë.
Arifi tregoi 3 elementet që duhet ndryshuar BE-ja e që në mesin e tyre është edhe njohja e Kosovës nga 5 vendet anëtare të Bashkimit Evropian.
“Tash është momenti më i mirë që BE-ja ta tregojë vetën në Ballkanin Perëndimor që mos ta përsëris gabimin e njëjtë qysh ka ndodhur në Ukrainë. Unë mendojë që duhet 3 elemente të ndryshohen në BE. E para duhet të ndryshojë koncepti politik në BE, që është ajo që votimet në Këshillin e Evropian jo në Parlament duhet të merren në aspektin e shumicës, sepse deri tash udhëhiqet nga demokracia e pakicës, ky është një hendikep shumë i madh për zhvillimin e BE-së më tutje. Pika e 2-të. Ta rimodelojë vetën është që të rregullohen procedurat për anëtarësim apo integrim në BE, të jenë më të thjeshta dhe më të përshpejtuar”, ka thënë ai.
Sipas tij, derisa BE-ja nuk e njeh Kosovën si shtet të pavarur me dashje apo pa dashje Bashkimi Evropian prodhon politika pro-ruse në Ballkanin Perëndimor.
“Pika e 3-të që është më e rëndësishme është njohja e Kosovës sepse kjo e komplikon pavarësisht që ajo mund t’i bëjë ato 2 detyrat mirë por e 3-ta është nyja e zhvillimit të Ballkanit Perëndimor apo rrugëtimit të integrimeve euroatlantike. Derisa BE-ja nuk e njeh Kosovën si shtet të pavarur me dashje apo pa dashje BE-ja po prodhon politika pro-ruse në Ballkanin Perëndimor”, deklaroi Arifi.
