Ministrja e Ministrisë së Drejtësisë, Albulena Haxhiu ka përshëndetur aksionin e përbashkët të Inspektoratit Policorë dhe Prokurorisë Speciale për arrestimin e zyrtarëve policorë të cilët kanë shkelur Ligjin, përcjell InLajmi.
Haxhiu ka thënë se mbështetja e Qeverisë së Kosovës është e parezervë në aksione dhe punë të tilla, derisa nuk ka lënë pa përmendur faktin se institucioneve të kaluara të sigurisë dhe drejtësisë të cilat sipas saj nuk i kanë nuk i janë lënë duart e lira për veprim.
Madje siç ka thënë ajo në shumë raste ekzekutivi ka qenë pengesa kryesore për ta luftuar këtë dukuri mjaft prezente.
Postimi i plotë i saj:
Në të kaluarën institucioneve të sigurisë dhe drejtësisë nuk i janë lënë duart e lira për veprim. Në shumë raste ekzekutivi ka qenë pengesa kryesore në luftën ndaj krimit të organizuar dhe korrupsionit.
Sot, kemi ende sfida mirëpo kemi vullnetin e hekurt për ta bërë vendin e jetueshëm për qytetarët.
Përshëndes aksionin e përbashkët të institucioneve për luftimin e krimit të organizuar dhe korrupsionit!
Mbështetja e qeverisë tonë në raste të tilla është e parezervë!/InLajmi/
