Kreu i AAK-së, Ramush Haradinaj, ka bërë të ditur se është takuar me shefin e Zyrës së BE-së, Tomas Szunyog, përcjell InLajmi.
Haradinaj njoftoi se temë diskutimi me theks të veçantë ishte siguria në vendin tonë.
Ndërkaq, ai ka thënë se ka kërkuar mbështetje nga Szunyog për rrugën atlantike të Kosovës si dhe për procesin e dialogut me Serbinë.
Postimi i plotë i tij:
Situata aktuale me theks të veçantë ajo e sigurisë, ishin temat e takimit të sotëm me Tomáš Szunyog, shef i Zyrës së Bashkimit Evropian dhe Përfaqësues Special i BE-së në Kosovë.
Kërkova nga ambasadori mbështetjen e tij dhe të BE-së, për rrugën euroatlantike të Kosovës dhe gjithashtu për procesin e dialogut me Serbinë, që do të përfundojë me njohje reciproke dhe do të respektojë sovranitetin, integritetin territorial dhe kushtetues të Republikës së Kosovës./InLajmi/
