Së fundmi në media u tha se kryeministri i vendit, Albin Kurti do ta shkarkojë ministren e Punëve të Jashtme, Donika Gërvallën, përcjell InLajmi.
Por, Gërvalla gjatë ditës së hënë i është kundërpërgjigjur krejt atyre që folën për shkarkimin e saj, ku ndër të tjera theksoi se përfaqësuesit e institucioneve të vendit që nga pavarësia e deri më tash, asnjëherë nuk kanë qenë më të bashkuar dhe më unik.
Ajo tha derisa të tjerët shajnë e shpikin, institucionet e kësaj qeveria po e vazhdojnë punën.
E këto deklarata i ka komentuar, opinionistja, Kimete Berisha.
Berisha tha se sipas Gërvallës, krejt këto fjalë ndaj saj u ngjallën sherri i uljes së çmimit të vajit nga qeveria Kurti.
Postimi i plotë i saj, pa ndërhyrje:
Mbrëmë, në ora 12 të natës, kur dëgjoi nga mediat se Kryeministri do ta shkarkojë, Donika Gërvalla tha se ndaj saj:
‘Janë ngjallur fantazi dhe epshet e pakontrolluara”.
(Nuk tha që është ngjallur një epsh ndaj saj, por shumë epshe).
Kjo i bie se secila gazetë dhe çdo kritik i saj, ka epshe të pakontrolluara ndaj saj dhe qeverisë Kurti.
– Epsh do të thotë: dëshirë e madhe seksuale për dikë;
– Dëshirë për të plotësuar kënaqësitë trupore;
– Zjarr i madh i mishit e i gjakut.
Sipas Donika Gërvallës, pra, krejt këto epshe të pakontrolluara ndaj saj u ngjallën sherri i uljes së çmimit të zejtinit nga qeveria Kurti!
Veç nëse kthehet çmimi i lartë i vajit, shuhen epshet mbarëkombëtare ndaj saj, ose së paku vëhen nën kontrolll ato epshe!
Çfarë lidhje ka ministresha e jashtme me çmimet e vajit, dhe çka ka lidhje epshi me armiqësinë!
Kur e urren dikë nuk të zgjohen epshet, por neveria…
Ministresha e jashtme armikun e brendshëm e konsideron epshor!
Çmendinë, a!
P.S. Kur u rriten çmimet, shqiptarëve u rriten epshet!
Mashallah!/InLajmi/
