Këtë të diele janë bërë 2 vjet që nga raportimi i rasteve të para me koronavirus në vendin tone, përcjell InLajmi.
Nga Instituti Kombëtar i Shëndetësisë Publike, thonë se pavarësisht kësaj janë duke punuar në vazhdimësi pa u ndalur drejt përfundimit të pandemisë.
Tutje ata kanë bërë thirrje tek qytetarët që ende të vazhdojnë të mbrohen duke zbatuar masat parandaluese kundër koronavirusit.
Njoftimi i plotë nga IKSHPK:
2 vjet më parë u raportuan rastet e para me COVID-19 edhe në vendin tonë!
Ekipet e IKSHPK po punojnë pandërprerë deri në përfundimin final të pandemisë!
Të gjithë pa dallim dhe domosdoshmërisht duhet të vazhdojmë të zbatojmë masat parandaluese kundër COVID-19 dhe rekomandimet e profesionistëve shëndetësor!
Prandaj, në vazhdimësi vlen për secilin person dhe më tej vazhdojmë të bëjmë thirrje:
Mbulo gojën dhe hundën me maskë!
Mbaj higjienën!
Respekto distancën!
VAKSINOHU!/InLajmi/
