Asociacioni i Gazetarëve të Kosovës ka reaguar pas vrasjes së gazetarit amerikan Brent Renaud nga forcat ruse në qytetin Irpin të Ukrainës, përcjell InLajmi.
Asociacioni i gazetarëve ka shprehur mbështetjen për kolegët e tyre si gazetarët, kameramanët dhe fotoreporterët e të gjithë shteteve, të cilët po raportojnë nga lufta Rusi-Ukrainë.
Ndryshe ditën e sotme, Brent Renaud, i cili u vra nga forcat ruse ishte ish-korrespondent i New York Times.
Ndërsa raportohet se edhe një gazetar tjetër ka mbetur i plagosur.
Postimi i plotë i Asociacionit të Gazetarëve të Kosovës:
Brent Renaud – Ish-korrespodenti i New York Times është vrarë sot nga forcat ruse në Irpin afër Kievit. Teksa, raportohet se ka mbetur i plagosur një gazetar tjetër.
Sipas zyrtarëve ukrainas, forcat ruse kanë qëlluar me armë makinën ku gjendeshin gazetarët ndërkombëtarë.
AGK-ja mbështet kolegët tanë, gazetarë, kameramanë dhe fotoreporterë të të gjitha shteteve, të cilët po raportojnë nga zona e konfliktit Ukrainë – Rusi. /InLajmi/
