Tom Brady shikoi nga tribunat në Old Trafford teksa Ronaldo shënoi një hat-trick mahnitës në fitoren 3-2 të Man United ndaj Tottenham të shtunën.
5 herë fituesi i Topit të Artë hapi rezultatin në mënyrë madhështore. Ai më pas riktheu epërsinë e skuadrës së tij pasi Harry Kane kishte barazuar nga pika e bardhë. 37-vjeçari më pas realizoi me kokë në minutën e 81-të.
Brady me sa duket ishte i mahnitur nga shkëlqimi i Ronaldos teksa postoi një GIF të lojtarit të Man United në Twitter.
Ish-qendërmbrojtësi i futbollit amerikan Brady, 44 vjeç, i cili konsiderohet si lojtari më i mirë i NFL-së i të gjitha kohërave u pa duke uruar yllin portugez pas përfundimit të ndeshjes, transmeton Insporti.
Sulmuesi legjendar portugez tani qëndron i vetëm, mbi lojtarët si Pele, Romario dhe Lionel Messi, me 807 gola, sipas të dhënave të FIFA-s.
