Shoqata e Transportit Rrugor të Udhëtarëve ka mbajtur takim urgjent me operatorët, në lidhje me vendimin e MMPHI-së për çmimoren e transportin ndërurban të udhëtarëve me autobusë, për kategoritë si: fëmijët, studentët, invalidët e luftës, invalidët e punës dhe pensionistët, përcjell InLajmi.
Në lidhje me këtë çështje, kryetari i Shoqatës së Transportit Rrugor, Ruzhdi Kurtishaj, ka thënë se ky vendim është skandaloz dhe joligjor.
Ai tutje ka thënë se ky vendim është marrë nga zëvendësministri i Ministrisë së Mjedisit, Planifikimit Hapësinor dhe Infrastrukturës (MMPHI), Hysen Durmishi, këtë javë, pa ndonjë paralajmërim ose konsultim paraprak.
“Ky vendim është joligjor edhe bazuar në nenin që e përmend zëvendësministri. Ky vendim nuk është marrë në konsultim me shoqatën. Nuk është pyet shoqata fare. Unë e kam marr këtë njoftim prej mediev. Për ne ky vendim sikur se Qeveria do i subvenciononte biletat për studentet dhe të gjithë qytetarët ka qenë më e lehtë të ulemi dhe të bisedojmë” ./InLajmi/
