Kryeministri i Kroacisë, Andrej Plenkoviq, me anëtarë të qeverisë do të vizitojë vendin ku u rrëzua droni në Zagreb, ku po po vazhdojnë hetimet rreth kësaj ngjarje.
Hetimet e kryera nga policia, së bashku me policinë ushtarake, po vijojnë në zonën më të ngushtë të vendit të ngjarjes, ku do të tentohet të nxirren pjesët e fluturakes, e cila ka mbetur e ngulitur në tokë.
“Nuk e dimë se aeroplani i kujt ishte. Ai fluturoi mbi Kroaci për 7 minuta dhe ra këtu. Ishim me fat që nuk pësoi askush. Rreth 40 vetura u dëmtuan”,tha Plenkoviq.
“Kjo teorikisht ka mundur të jetë Budapesti, Lubjana. Ne kemi nevojë për bashkëpunim intensiv, për t’u informuar me kohë se diçka po ndodh. Ende nuk e dimë nëse ka qenë aksidentale apo e qëllimshme. Do të përpiqemi të gërmojmë dhe të nxjerrim fluturaken. Do të komunikoni me vendet që kanë informacion të vlefshëm”,shtoi Plenkoviq, përcjell Gazeta Blic.
“Kjo tregon nevojën e bashkëpunimit të NATO-s. Ne nuk mund dhe nuk duhet ta tolerojmë këtë situatë. Ky ishte një kërcënim i qartë dhe NATO dhe BE duhej të reagonin. Ne do të punojmë për të rritur gatishmërinë .Fatmirësisht nuk ndodhi ,diçka shumë më e keqe. Kjo fluturake do të mund të kishte rënë në termocentralin bërthamor në Hungari. Është e qartë se nuk kishte asnjë reagim dhe se vendet e tjera nuk reaguan mirë”,nënvizoi presidenti kroat.
