Hailey Bieber aktualisht ndodhet në spital pasi pësoi një ‘urgjencë mjekësore’.
Gruaja 25-vjeçare e artistit Justin Bieber u shtrua në një spital pranë Palm Springs disa ditë më parë për një gjendje të lidhur me trurin.
Në një përditësim të postuar më vonë gjatë ditës, Hailey zbuloi se kishte zhvilluar ‘simptoma të ngjashme me sulmin në tru’ për shkak të një mpiksje gjaku në trurin e saj.
“Të enjten në mëngjes, isha ulur në mëngjes me bashkëshortin tim kur fillova të kisha simptoma si goditje në tru dhe u dërgova në spital”, ka shkruar ajo.
“Ata zbuluan se kisha pësuar një mpiksje gjaku shumë të vogël në tru, gjë që shkaktoi një mungesë të vogël oksigjeni, por trupi im e kishte kaluar vetë dhe u shërova plotësisht brenda pak orësh”, shkroi Hailey.
Ajo konfirmoi në shënimin e saj se ajo ishte kthyer në shtëpi tani dhe ishte shëruar.
“Megjithëse ky ishte padyshim një nga momentet më të frikshme që kam kaluar ndonjëherë, tani jam në shtëpi dhe jam mirë, dhe jam shumë mirënjohëse dhe falënderuese për të gjithë mjekët dhe infermierët e mrekullueshëm që u kujdesën për mua!”, shkroi gruaja e hit-këngëtarit Justin Bieber.
“Faleminderit për të gjithë ata që janë shqetësuar dhe më kanë uruar shërim të shpejtë, dhe për gjithë mbështetjen dhe dashurinë”.
Sipas burimeve pranë saj, gjendja shëndetësore e Haileyt po ndikonte në një farë mënyre lëvizjen e saj.
Ata treguan se ajo i ishte nënshtruar testeve për të gjetur origjinën e sëmundjes së saj.
Mjekët ishin të shqetësuar se simptomat e saj mund të kishin lidhje me Covid-19, pasi burri i saj Justin kohët e fundit pati një periudhë infektimi me virusin.
Pavarësisht sëmundjes së tij, Justin thuhet se ndihet mirë tani dhe është shëruar plotësisht.
Hailey tani është jashtë spitalit, megjithëse është e paqartë nëse simptomat e saj janë zvogëluar.
Burimet thanë se ajo ishte në rregull, por mjekët janë ende në punë për të përcaktuar shkakun e sëmundjes së saj.
Hailey dhe Justin u njohën fillimisht në vitin 2015, dhe ata krijuan një miqësi të ngushtë përpara se të fillonin një lidhje po atë vit.
Megjithatë, të 2 u ndanë dhe ndërprenë çdo kontakt me njëri-tjetrin vitin e ardhshëm.
Dyshja përfundimisht u pajtuan dhe shpallën fejesën e tyre në vitin 2018.
Çifti i lumtur u kurorëzuan në të njëjtin vit, dhe ata mbajtën një ceremoni martese në shtator të vitit 2019.
Hailey njoftoi se nuk do të diskutonte publikisht lidhjen e saj me Justin gjatë një interviste për Wall Street Journal, ku u shpreh se ishte e lodhur që fjalët e saj që keqinterpretoheshin nga publiku.
“Nuk ndihem më e vlefshme për mua kur përpiqem të bëj një bisedë të hapur me dikë dhe më pas del jashtë kontekstit”, tha ajo, shkruan Telegrafi.
Megjithatë, ajo zbuloi se ajo dhe burri i saj po planifikonin të krijonin një familje në të ardhmen e afërt.
