Zyrtarët izraelitë kanë mohuar raportet e mediave se Izraeli i ka kërkuar Ukrainës që të “dorëzohet” ndaj kërkesave ruse gjatë bisedimeve.
Izraeli është përfshirë në përpjekjet për t’i dhënë fund luftës në Ukrainë.
Kryeministri i saj Naftali Bennett udhëtoi për në Moskë për bisedime ballë për ballë me presidentin rus Vladimir Putin të shtunën e kaluar dhe gjithashtu foli me presidentin e Ukrainës Volodymyr Zelensky me telefon.
Raportimet e mediave kishin sugjeruar se Bennett u përpoq të shtynte Ukrainën që të dëgjonte kushtet ruse për t’i dhënë fund luftës.
Por një zyrtar i lartë izraelit i ka quajtur këto raportime “të pavërteta të rremë”, shkruan BBC
“Bennett në asnjë moment nuk i ka thënë Zelenskyt se si të veprojë, as nuk ka ndonjë qëllim”,tha zyrtari, transmeton lajmi.net.
“Në fakt, “Izraeli po sugjeron që Rusia duhet t’i vlerësojë ngjarjet në mënyrë më adekuate”,ka shkruar në Twitter një këshilltar i kreut të zyrës presidenciale të Ukrainës, Mykhaylo Podolyak.
