Ministri i Mbrojtjtes, Armend Mehaj, ka bërë të ditur se është takuar me ambasadorin e Mbretërisë së Bashkuar, Nicholas Abbot, me të cilin biseduan për zhvillimet gjeopolitike në rajon pas agresionit rus në Ukrainë, përcjell InLajmi.
Ai njoftoi gjithashtu se u bisedua edhe për bashkëpunim për realizimin e projekteve në fushën e mbrojtjes dhe sigurisë.
Mehaj dhe Abbort u dakorduan për thellim të bashkëpunimit në funksion të paqes, stabilitetit dhe sigurisë rajonale dhe më gjerë.
Postimi i plotë i tij:
Mbështetja e Mbretërisë së Bashkuar është shumë e rëndësishme në proceset tona zhvillimore.
Sot prita në takim, mikun dhe ambasadorin e Mbretërisë së Bashkuar, Nicholas Abbot, me të cilin diskutuam për zhvillimet gjeopolitike pas agresionit ushtarak të Rusisë në Ukrainë dhe ndikimit të tij në aspektin e sigurisë dhe stabilitetit në rajon.
Gjithashtu diskutuam për stadin e realizimit të projekteve të përbashkëta në kuadër të planit të bashkëpunimit bilateral në fushën e mbrojtjes dhe sigurisë.
Me Ambasadorin Abbot u pajtuam për intensifikimin e angazhimit tonë në të ardhmen në funksion të paqes, stabilitetit dhe sigurisë rajonale dhe më gjerë./InLajmi/
