Kryehetuesi i aksidenteve të aviacionit në Agjencinë Kroate për Hetimin e Aksidenteve, Danko Petrin, tha se ende nuk dihet se çfarë lloji i Dronit ra në Zagreb.
Por, thotë ai, nëse supozimet janë të sakta se bëhet fjalë për një dron zbulues Tu-141, atëherë është e qartë edhe pse kishte parashuta në pemë.
“ Është një dron që ngrihet me një lëshues. Mund të ulet vetëm duke përdorur një parashutë. Dronët e sotëm janë modernë dhe gjithmonë në kontakt me bazën. Por ky është një model i vjetruar që është krijuar në Bashkimin Sovjetik në vitin 1970”,tha Petrin.
Më tej tha ai, mund të ketë pasur edhe gabime në programimin e fluturimit.
“Ka pasur raste që ky lloj avioni mund të dilte jashtë kontrollit. Supozoj se kështu është edhe këtu, sepse avionë të tillë nuk janë raketa që dërgohen si armë, por qëllimi i tyre është të kthehen në bazë për të dorëzuar të dhënat e mbledhura. Në fund të fundit, është e paqartë se çfarë saktësisht mund të regjistronte ajo gjatë natës. Është e qartë se ka qenë një gabim në programimin e fluturimit ose se avioni ka dalë jashtë kontrollit, por kjo ende nuk është përcaktuar nga hetimi”,thotë tutje ai, transmeton lajmi.net
“Droni po binte vertikalisht, plot peshë. Nëse do të përplasej me një pallat, me siguri do të çante të paktën disa kate, nëse jo deri në bodrum. Mund të thuhet se kemi shpëtuar mirë”,tha ai.
