Ambasadori i Polonisë në Shtetet e Bashkuara, Marek Magierowski tha se sanksionet ndaj Rusisë duhet të zgjasin për një dekadë, ndoshta 15 vjet pas pushtimit dhe sulmit të Moskës në Ukrainë, transmeton InLajmi.
“Mendoj se nëse duam të hakmerremi për atë pushtim kundër Ukrainës me masa ndëshkuese ne duhet të jemi të vendosur dhe të gatshëm për të mbajtur sanksionet për një afat më të gjatë. Ndoshta ato duhet të zgjasin për një dekadë, ndoshta 15 vjet, sepse kam frikë se do të jetojmë me Putinin për shumë vite në vijim, tha Magierowski.
Magierowski tha se forcat ruse kanë kryer akte barbarie në Ukrainë.
“Unë besoj dhe kam besim se Putin dhe miqtë e tij dhe të gjithë ndihmësit e tij më të afërt do të përfundojnë në bankën e të akuzuarve, në Hagë, në Gjykatën Ndërkombëtare Penale, sepse kjo është ajo që ai tashmë e ka merituar plotësisht,” tha ai, shkruan CNN.
Kur u bë presion që Polonia të mos dërgonte avionë luftarakë MiG-29 në Ukrainë, Magierowski i tha Amanpour se kjo nuk ishte një strategji e realizueshme për qeverinë polake. /InLajmi/
